Mamma - Agostino Moschettino

Vai ai contenuti

Mamma

Lavori
MAMMA

MAMMA, chi è?
E’ Chella ca t’’a mmiso ‘ncopp’a terra
suffrenno, ma redenno p’a priezza;
Chella c’a notte, quanno tiene a freva,
se mette accanto a te senza durmì;
Chella che, quann’è o primmo juorn’è scola,
te mette o grembiulino ‘mmaculato
e t’accumpagna fin’a dint’a classe;
Chella ca, quanno po’ tu sì cresciuto,
te proje a spalla pè te fa sfugà
d’a primma delusione ca tu ‘a avuto;
Chella c’a sera, quante tuorne tarde,
t’aspetta zitta, senza dirte niente,
e a cena t’apprepara dint’o piatto;
Chella ca, quanno spuse, nun te lassa,
ma continua c’ammore a starte a llato;
Chella ca cresce e figlie tuoje cu assaje
cchiù amore c’’a cresciuto a te;
Chella ca quanno, malata ‘ncopp’o lietto,
pronta a partì cu a “Sorella Morte”,
te vede stracquo e, cu nu fil’’e voce,
t’arraccumanna è badà cchiù assaje a te;
Chella ca, quanno po’ nun ‘nce stà cchiù,
te segue a ogni passo, a ogni mumento:
pure d’o Cielo, accanto a te se stà!
Beato a chillo c’a Mamma ancora tene:
è o rialo cchiù grosso c’o Cielo lle po’ fa.
Sì affurtunato tu, c’a chiamme ancora!
Vasele e mmane primm’’e dì:
MAMMA’!

Creato da Francesco Moschettino
Ultima Modifica 10 Aprile 2019
Torna ai contenuti